АН засагт хамтрах саналаасаа буцсан гэв үү

АН “шийдлийн” гэх нэртэй хамтарсан Засгийн газар байгуулахын тулд УИХ-д суудалтай бусад нам, эвслүүдтэй хамтарч ажиллахаар болсон.

Засгийн газарт хамтарч ажиллах болсонтой холбогдуулж өчигдөр намын дарга нар зөвшилцөх бичигт гарын үсэг зурна хэмээн мэдэгдэж байсан ч зураагүй юм. Энэ талаар өнөөдөр УИХ-ын гишүүн Ө.Энхтүвшин чуулганы нэгдсэн хуралдааны үеэр хэллээ. Тэрээр “Өчигдөр орой намын дарга нар зөвшилцөх гэрээнд гарын үсэг зурах байсан ч зурсангүй. Учир нь АН-ынхан зарим саналаасаа буцсан. Тодруулбал, орон нутгийн сонгуулийн үр дүнг зөвшилцөх асуудалд буцсан” гэсэн юм.

Харин энэ үеэр УИХ-ын дарга, АН-ын дарга З.Энхболд хэлэлцэж байгаа асуудалтай хамааралгүй асуудал байна гээд Ө.Энхтүвшин гишүүний микрофоныг хааснаар энэ яриаг хязгаарлав.