Ангийн бууны сум 49 мянган ширхэгийг хууль бусаар нэвтрүүлэхийг завджээ

Гаалийн ерөнхий газрын харьяа Улаанбаатар хот дахь гаалийн газрын Техник импорт дахь Гаалийн хяналтын бүсэд энэ оны зургаадугаар сарын 27-ны өдөр АНУ-аас чингэлэгээр ирсэн, “А” компани хуучин хувцас гэж мэдүүлсэн түүвэр ачаандаа хязгаарласан бараа болох ангийн бууны сум 49 мянган ширхэгийг хууль бусаар нэвтрүүлэхийг завдсан үйлдлийг УБГГ-ын Гаалийн хяналт шалгалт хариуцсан улсын ахлах байцаагч “М”, гаалийн улсын байцаагч “Б”, эрэлч нохой хариуцсан гаалийн улсын байцаагч “Б” нар илрүүлж, холбогдох хууль хяналтын байгууллагад шилжүүлээд байна.