Анри Дегланы нэрэмжит тэмцээн энэ сарын 15-нд эхэлнэ

Анри Дегланы нэрэмжит бөхийн төрлүүдийн Гранпри тэмцээн энэ сарын 15-18-нд Францын Ницца хотод болно.

47 дахь удаагийн тэмцээнд 27 орны 300 гаруй бөх барилдах бөгөөд зөвхөн чөлөөт бөхийн төрөлд олимп, дэлхийн аварга Кайл Снайдер, Шариф Шарифов, Владимир Хинчегашвили, Хелен Марулис, дэлхийн гурван удаагийн аварга Гено Петриашвили, дэлхийн хошой аварга Кайл Дейк, дэлхийн аварга Бека Ломтазе, Тамыра Менса, Жакарра Винчестер тэргүүтэй олимп, дэлхий, тивийн 50 гаруй медальтан Францад хуран чуулахаар болжээ.