АНУ-д халдвар авагсдын бодит тоо 20 саяд хүрсэн байж болзошгүй

Америкийн Өвчний Хяналтын төвөөс мэдээлснээр тус улсад "Ковид-19" халдвараар өвчилсөн иргэдийн тоо өнөөдрийн тооцоолж байгаагаас 10 дахин өндөр байх магадлалтай. Өөрөөр хэлбэл, одоогоор АНУ-д батлагдсан халдварын тохиолдол 2.5 саяд хүрээд байгаа хэдий ч бодит тоо 20 саяд хүрсэн байх магадлалтай юм байна.

Эрүүл мэндийн шинжээчид батлагдсан тохиолдол бүрийн цаана дахин 10 халдвар тээгч байх магадлалтай гэж таамаглаж байгаа юм. Техас мужид л гэхэд өчигдөр "Ковид-19"-ийн халдварын 6000 орчим тохиолдол шинээр бүртгэгдсэн байна.