АНУ даяар төрийн далбааг бөхийлгөнө

Өнгөрсөн даваа гарагт АНУ-ын нийслэлд болсон буудалцааны үеэр хүний амь эрсэдсэнд гашуудал зарлаж, холбооны улсын бүх байгууллага дээрх төрийн далбааг бөхийлгөх шийдвэрийг тус улсын Ерөнхийлөгч Барак Обама гаргажээ.

Энэ шийдвэрийн хүрээнд есдүгээр сарын 20-ны баасан гараг хүртэл Цагаан ордон, Конгресс, гадаадад суугааа тус улсын Элчин сайдын яамд, Консулын газар болон АНУ-ын хилийн чанад дахь албан ёсны төлөөлөгчийн газруудад, тэрчлэн хуурай замын цэрэг болон флот дахь төрийн далбаануудыг бөхийлгөх аж.