АНУ ирэх оны 2 сарын эцэс гэхэд хүн амынхаа 40 хувийг вакцинжуулалтад хамруулна

АНУ-ын засгийн газар ирэх оны 2 сарын эцэс гэхэд шинэ коронавирусний вакцинд хүн амынхаа 40 хувийг буюу 100 сая иргэнээ хамруулахаар төлөвлөж байгаа юм байна. Энэ тухай АНУ-ын засгийн газрын зөвлөх МонсефСлауи мэдэгдсэн юм. Тэрээр мөн вакцинжуулалтыг энэ сарын дундуур эхлүүлж магадгүй байгааг мэдээлсэн.

Мөн л бусад улс орнуудын адилаар эмнэлгийн ажилтнууд эрсдэлт бүлгийнхнийг эхний ээлжид вакцинжуулахаар төлөвлөж байна. Америкийн эм, хүнс бүтээгдэхүүнд хяналт тавих байгууллагад Модерна болон Пфайзер, БиоНТех компаниуд КОВИД-19-ийн эсрэг вакциныхаа зөвшөөрөл авахаар хүсэлтээ гаргаад байгаа юм. Тиймээс энэ 2 вакцинд хүн амаа хамруулахаар байна.