АНУ нутагт нь хууль бусаар нэвтэрсэн хүмүүст орогнол олгохгүй

АНУ нутагт нь хууль бусаар нэвтэрсэн хүмүүст орогнол олгохгүй. Ерөнхийлөгч Дональд Трамп "Цагаан ордон"-д болсон хэвлэлийн хурал дээр энэ тухай мэдэгдсэн байна.

Хууль зөрчсөн дүрвэгчид АНУ-аас орогнол авч чадахгүй гэж тэр хэлжээ. Түүнчлэн ирэх долоо хоногт засаг захиргаа нь АНУ дахь цагаачдын асуудлыг зохицуулах төлөвлөгөө танилцуулах гэж байгааг Трамп мэдээлсэн байна.

Өмнө нь тэрбээр бас АНУ-д төрсөн хүүхэд болгонд иргэний эрх олгохоор заасан АНУ-ын үндсэн хуулийн заалтыг цуцлах бодолтой байгаагаа мэдэгдсэн. Үүнээс гадна иргэд нь АНУ руу чиглэсэн цуваа үүсгээд байгаа Латин Америкийн орнуудад үзүүлэх тусламжаа зогсооно гэж АНУ-ын төрийн тэргүүн анхааруулж байгаа юм.