АНУ түгшиж буйгаа илэрхийлэв

НАТО-гийн дорнод зүгийн ойролцоо ОХУ пуужингаа байрлуулсанд АНУ түгшиж буйгаа илэрхийллээ. Сүүлийн үеийн “Искандер-М” тактикийн зориулалттай пуужинг ОХУ өөрийн нутаг дэвсгэр дээрээ байрлуулаад байгаа юм.

Харин энэ талаар ОХУ-ын Батлан хамгаалахын сайд Сергей Шойгу “Биднийг Искандеруудаа (тактикийн пуужингууд) буруу газарт байрлуулсан гэсэн шуугиан саяхнаас тархлаа. Бид пуужингуудаа Оросын газар нутгийн хаана ч, хүссэн газартаа байрлуулж болно” хэмээн Москвагийн их сургуулийн оюутнуудтай уулзах үеэр мэдэгджээ.

ОХУ нь пуужингаа нутгийнхаа баруун хэсэгт буюу Калинград мужид байрлуулаад байгаа билээ.