АНУ-ын элчин сайд уулзалт хийнэ

АНУ-аас Монгол Улсад суугаа Онц бөгөөд Бүрэн эрхт Элчин сайд Пайпэр Энн Уинд Кэмбэлл өнөөдөр Америкийн соёл мэдээллийн төвд уулзалт хийнэ.

Уулзалт Д.Нацагдоржийн номын сангийн байранд болох бөгөөд Элчин сайд шинэ оны үйл ажиллагааныхаа зорилтын талаар ярилцаж, өнгөрөгч оноо дүгнэн хэлэлцэхийн зэрэгцээ АНУ-ын түүхэн хөгжлийн талаар талаар сонирхолтой яриа өрнүүлэх аж.

Дашрамд дурдахад АНУ-ын Гадаад харилцааны албаны ахлах ажилтан Пайпэр Энн Уинд Кэмбэллийг тус улсын Ерөнхийлөгч Барак Обама Монгол Улсад суух Элчин сайдаар нэрийг нь дэвшүүлж, Сенат баталсны дараа тэрээр 2012 оны наймдугаар сарын 6-нд тангараг өргөсөн юм.

Харин итгэмжлэх жуух бичгээ 2012 оны наймдугаар сарын 24-ний өдөр Ерөнхийлөгч Ц.Элбэгдоржид өргөн барьсан юм.