АНУ-ын Ерөнхийлөгч гэргийн хамт коронавирусний халдвар авчээ

АНУ-ын Ерөнхийлөгч ДональдТрамп, тэргүүн хатагтай МеланиаТрамп нар коронавирус туссан болох нь батлагдсан тул түүнийг гэргийн хамт тусгаарлаад байна.

Доналд Трамп өөрийн твиттер хуудсаар жиргэж, энэ мэдээлэл үнэн болохыг баталсан байна. Тэрбээр жиргээндээ "Миний бие болон тэргүүн хатагтайн "Ковид-19" шинжилгээ эерэг гарлаа. Бид нэн даруй тусгаарлалтад орж, эмчилгээгээ эхлүүлэх болно. Бид ХАМТДАА энэхүү өвчнийг даван туулах болно" гэжээ.

Түүний ойрын туслах ХөүпХиксээс коронавирусний халдвар илэрснээр түүнтэй хамт явсан АНУ-ын Ерөнхийлөгч болон тэргүүн хатагтайгаас шинжилгээ авсан нь ийнхүү эерэг гарчээ.

Энэ нь түүний сонгуулийн өмнөх кампанит ажиллагаанд сөргөөр нөлөөлж, эрүүл мэндэд хамгийн ноцтой аюул занал учруулж байгааг орон нутгийн хэвлэлүүд мэдээлж байна.