АНУ-ын Холбооны мөрдөх товчоо шинэ захиралтай боллоо

АНУ-ын ерөнхийлөгч Барак Обама Холбооны мөрдөх товчооны шинэ захирлын албан тушаалд Жеймс Комийг албан ёсоор томиллоо. Ерөнхийлөгч “Жеймс Ком бол сайн муугийн ялгааг мэддэг. Энэхүү мэдлэгээ өдөр бүр удирдамж болгон ажиллахад бэлэн байгаа” хэмээжээ.

Дашрамд дуулгахад тэрбээр ерөнхийлөгч Жорж Бушийн үед АНУ-ын Хууль зүйн яамны дэд сайдаар ажиллаж байсан аж. Энэ үедээ шүүхийн шийдвэргүйгээр утасны яриа тагнан, чагнахыг эрс эсэргүүцэн Цагаан ордонтой сөргөлдөж байснаараа нэрд гарсан байна.