АНУ-ын конгрессын ордны өмнөх гацуурын гэрлэн чимэглэлийг асаалаа

АНУ-ын Вашингтон хот дахь Капитол буюу Конгрессын гацуурын гэрлэн чимэглэлийг асаах ёслол даваа гарагт боллоо. Энэ арга хэмжээнд Конгрессын төлөөлөгчдийн танхимын дарга Пол Райан болон парламентын гишүүд оролцсон байна.

Капитолын толгодод зул сарын баярт зориулсан гацуур засдаг уламжлал бүр 1964 оноос эхтэй юм байна. Энэ жил Айдахо мужийн Үндэсний цэцэрлэгт хүрээлэнгээс авчирсан 25 метрийн өндөртэй гацуур модыг хүүхэд багачуудын урласан 6 мянган тоглоомоор чимэглэн зассан байна.