АНУ-ын Төрийн Нарийн бичгийн дарга Марко Рубио Сар шинийн мэндчилгээ дэвшүүлжээ

АНУ-ын Төрийн Нарийн бичгийн дарга Марко Рубио Сар шинийн баярыг тохиолдуулан Монголын ард түмэнд баяр хүргэж, мэндчилгээ дэвшүүлэв.

Мэндчилгээндээ:

“Монгол болон АНУ-д төдийгүй дэлхий дахинд “Цагаан сар”-ын баяраа тэмдэглэж байгаа Та бүхэнд ирж буй жилдээ амар амгалан, эрч хүч, аз хиймориор дүүрэн байхын ерөөлийг дэвшүүлье!

АНУ нь Монгол Улсын ардчилсан, стратегийн гуравдагч хөршийн түнш гэдгээр бахархдаг. Манай хоёр орны харилцааг шинэ онд улам гүнзгийрүүлэхийн төлөө хамтран ажиллахдаа таатай байх болно” гэжээ.