"Apple" компани хэрэглэгчээ тагнаж байгаагүй

АНУ-ын Үндэсний аюулгүй байдлын агентлагаас харилцаа холбооны зарим сүлжээг ашиглан иргэдийг тагнаж, мэдээлэл цуглуудаг болох талаар хэвлэлүүдээр цөөнгүй баримтууд тарж байгаа. Энэ дуулианд "Apple" ч бас холбоотой гэх мэдээлэл ч гарах болсон. Үүнтэй холбогдуулан "Apple" компанийн захирал Тим Күүк “iPhone ухаалаг гар утсаар дамжуулан хэрэглэгчдийн текст мессэж болон дуут мессэж, харилцагчдын бүртгэл, байршлыг бүртгэж, хадгалж авч байгаагүй. Мөн АНУ-ын Үндэсний аюулгүй байдлын агентлагтай хамтран ажиллаж байгаагүй” хэмээн мэдэгдлээ.