Ард нийтийн санал асуулгад засаглалын хэлбэрийг хөндөж болох уу

Үндсэн хуульд оруулах нэмэлт, өөрчлөлтийн төслийг эцсийн дүндээ ард түмэн батлах шийдвэрт УИХ хүрсэн. Тодруулбал ард нийтийн санал асуулгаар одоогийн Үндсэн хуулийг өөрчлөх эсэхийг шийдвэрлэх юм. Тэгвэл Монгол Улсын Ерөнхийлөгч Х.Баттулга ард нийтийн санал асуулгаар цаашид засаглалын хэлбэрээ сонгох боломжийг ард түмэнд өгч нэг мөр асууж шийдвэрлүүлэх ёстой гэж үзсэн.

Ингээд ард нийтийн санал асуулга явуулах УИХ-ын тогтоолын төсөл боловсруулснаа УИХ-ын даргад хүргүүлсэн юм. Тэгвэл бид ард нийтийн санал асуулгаар энэ асуудлыг шийдвэрлэх хуулт эрх зүйн боломжтой эсэхийг хуулийн буландаа хөндлөө.