Аргентин улс "Спутник-V" вакцин үйлдвэрлэж эхлэв

Аргентин улсад коронавирусний эсрэг ОХУ-ын гаргаж авсан "Спутник-V" вакциныг үйлдвэрлэж эхэлсэн байна. Энэ талаар тус улсын Ерөнхийлөгч Альберто Фернандесийн хэвлэлийн албанаас мэдээлжээ. Энэ вакциныг "Richmond" эмийн үйлдвэрийн компани үйлдвэрлэж байгаа юм.

Эх сурвалжийн мэдээлснээр Аргентинд үйлдвэрлэж байгаа "Спутник-V" вакциныг "Спутник ВИДА" гэсэн нэрийн дор үйлдвэрлэнэ гэжээ. Эхний ээлжинд хоёр сая тун вакцин гарган авахаар төлөвлөж буй юм байна.