Ариутгалын болон ариун цэврийн багц хүлээлгэн өглөө

Бүх шатны сургалтын байгууллагын хичээл, сургалтын үйл ажиллагаа 2022 оны 2 дугаар сарын 14-нөөс эхлүүлэхээр Засгийн газар шийдвэрлэсэн.

Хүүхдийн сурч боловсрох эрхийг ямар ч цар тахал таслах ёсгүй. Тиймээс сургууль цэцэрлэгийн сургалтын үйл ажиллагаа эхлэх бэлтгэл ажлын хүрээнд аймаг, нийслэлийн ЕБС, цэцэрлэг, сургуулийн дотуур байрны тусгаарлөх өрөөний халдвар хамгааллын дэглэмийг сайжруулах шаардлага тулгарсан.

Урьдчилан сэргийлэх, халдвар хамгааллын дэглэмд тавигддаг шаардлагыг хэрэгжүүлэхэд улсын төсвийн хөрөнгөөр 100% шийдвэрлэх боломжгүй энэ цагт НҮБ-ын Хүүхдийн сан, АНУ-ын ОУ-ын хөгжлийн агентлаг хамтран Улаан загалмайн нийгэмлэгийн дэмжлэгтэйгтэйгээр 948 цэцэрлэг, 672 сургууль, 540 дотуур байранд нийт 435,6 сая төгрөгийн ариутгал, ариун цэврийн багцыг нийлүүллээ гэж Боловсрол, шинжлэх ухааны яамнаас мэдээллээ.