Армийн генерал О.Л.Салюков Монголд Улсад айлчилж байна

ОХУ-ын Зэвсэгт хүчний Хуурай замын цэргийн Ерөнхий командлагч, Армийн генерал О.Л.Салюков энэ сарын 20-22-ны өдрүүдэд Монгол Улсад албан ёсны айлчлал хийж байна.

Эрхэм генералыг энэ сарын 20-нд Монгол Улсын Зэвсэгт хүчний Жанжин штабын удирдлагууд хүлээн авч хүндэтгэл үзүүлсэн бөгөөд уулзалтын эхэнд хоёр улсын зэвсэгт хүчний хамтын ажиллагаа амжилттай хөгжсөөр байгаад сэтгэл ханамжтай байгааг хоёр тал дурдаад, цаашдын хамтын ажиллагаагаа өргөжүүлэн хөгжүүлэхэд санал нэгтэй байгаагаа онцлон тэмдэглэсэн билээ.