Арьс, ширний урамшууллын мөнгө олгох ажил удаашралтай байна

Засгийн газрын тогтоолоор үндэсний үйлдвэрлэгчдэд малынхаа арьс, ширийг тушаасан хоршооны гишүүн малчин, мал бүхий иргэнд мөнгөн урамшуулал олгох журмыг шинэчилсэн юм. Журмын дагуу жилд хоёр удаа арилжааны банкуудаар дамжуулан тухайн хоршооны гишүүн малчны дансанд урамшууллын мөнгийг шилжүүлэх учиртай юм.

Уг журмын дагуу Булган аймгийн Хишиг-Өндөр сумын малчид урд жил малынхаа арьс, ширийг үндэсний үйлдвэрлэгчдэд тушаасан байна. Гэтэл тэдэнд олгох ёстой урамшууллын мөнгийг өгөх эсэх нь тодорхойгүй байна гэж тус сумын ИТХ-ын Тэргүүлэгчдийн нарийн бичгийн дарга н.Батсуурь хэллээ.