Арвайхээрт "Автомашингүй өдөр" болно

Өвөрхангай аймгийн Арвайхээр суманд "Автомашингүй өдөр" зохион байгуулахаар болжээ. "Автомашингүй өдөр" энэ сарын 5-нд болох аж. “Автомашингүй өдөр”-өөр Арвайхээр сумын Гэндэнгийн гудамжны замын хөдөлгөөнийг хязгаарлаж, өглөөний 08.00 цагаас оройн 16.00 цагийн хооронд хаах гэнэ.

Дэлхийн улс орнууд жил бүр “Автомашингүй өдөр” -ийг уламжлал болгон тэмдэглэдэг бөгөөд энэ жишгийн хүрээнд нэг ч гэсэн өдөр утаагүй, эрүүл агаараар амьсгалж, явган алхаж эрүүл мэнддээ анхаарахыг уриалан энэхүү арга хэмжээг зохион байгуулсаар буй. Зургаадугаар сарын 5-нд Арвайхээр сумын иргэд автомашинаас татгалзаж, явган алхах, унадаг дугуйн парад, мөн төрийн зарим байгууллагууд “Нээлттэй хаалганы өдөр” зохион байгуулах зэрэг олон арга хэмжээ төлөвлөжээ.