Арван улс үйлдвэрлэлтээс гарсан коронавирусний эсрэг нийт вакцины 75 хувийг хэрэглэжээ

НҮБ-ын Ерөнхий нарийн бичгийн дарга Антониу Гутерреш коронавирусний эсрэг вакцины хуваарилалт, хүртээмж эрс тэгш бус байгааг хүчтэй шүүмжилсэн байна.

Тэрбээр 10-хан улс өнгөрсөн хугацаанд үйлдвэрлэлтээс гарсан нийт вакцины 75 хувийг худалдан авч, дотоодын тарилгад ашигласан гэх баримтыг хэлжээ.

Мөн тэрбээр өнөөдрийн байдлаар коронавирусний эсрэг вакцины нэг ч тунг хүлээн аваагүй байгаа орны тоо 130 гэдгийг хэллээ.