“Арвис” клуб футзалын эмэгтэйчүүдийн цомын эзэд боллоо
Хоёр сарын өмнө тус хоёр клуб хөл бөмбөгийн “Эмэгтэйчүүдийн лиг”-ийн аваргын төлөө эн тэнцүү өрсөлдөөн үзүүлж “UBC” тэрхүү ширүүн тэмцэлд ялаад байв. Өнөөдрийн тоглолт ч урьдын адил сонирхолтой болж 3:2-оор өндөрлөхөд “UBC” клубээс О.Цасан-Охин, Н.Дашдулам, “Арвис” клубээс Ө.Бадамхатан, Т.Энх-Амгала
Мэдээллийн алба
Цар тахлын нөхцөл байдлаас үүдэн хоёр жилийн хугацаанд завсарлаад байсан эмэгтэйчүүдийн футзалын тэмцээн уралдаанууд футзалын эмэгтэйчүүдийн цомын тэмцээнээр эхэлж байгаа билээ.
Энэ сарын 1-нд эхэлсэн тус тэмцээний медалийн төлөөх тоглолт өчигдөр болж, “Арвис” клуб хүчтэй өрсөлдөгч “UBC”-г 3:2-оор буулган авч аваргын цомыг өргөх эрхтэй болсон юм.
Хоёр сарын өмнө тус хоёр клуб хөл бөмбөгийн “Эмэгтэйчүүдийн лиг”-ийн аваргын төлөө эн тэнцүү өрсөлдөөн үзүүлж “UBC” тэрхүү ширүүн тэмцэлд ялаад байв. Өнөөдрийн тоглолт ч урьдын адил сонирхолтой болж 3:2-оор өндөрлөхөд “UBC” клубээс О.Цасан-Охин, Н.Дашдулам, “Арвис” клубээс Ө.Бадамхатан, Т.Энх-Амгалан, Ө.Ундрах нар гоол орууллаа.
Үзэгч олныг суудлаас нь өндөлзүүлсэн шигшээ тоглолтын дараа тэмцээний хаалтын үйл ажиллагаа болж “Арвис” /алт/, “UBC” /мөнгө/, “Туулын Том Тулнууд” /хүрэл/ клубийн бүсгүйчүүд өөрсдийн медалийг энгэртээ гялалзуулав.
Мөн тус тэмцээн өөрсдийн хувийн амжилтаараа гялалзсан шилдэг тоглогчдыг тодруулахад шилдэг хаалгачаар “ТТТ” клубийн Б.Мөнхзул, шилдэг тоглогчоор “UBC” клубийн О.Цасан-Охин, шилдэг довтлогчоор “Арвис” клубийн Ө.Ундрах нар тус тус тодорлоо.
Нэмж хэлэхэд, 18 хүртэлх насны охидын футзалын лиг энэ сарын 15-наас ирэх оны гуравдугаар сарын 16 хүртэл, эмэгтэйчүүдийн футзалын лиг энэ сарын 25-наас ирэх оны дөрөвдүгээр сарын 3 хүртэл үргэлжилнэ.
