Асрагч оюутанг сургуулиас нь хасчээ

Хичээлийнхээ хажуугаар айлын хүүхэд хардаг байсан оюутан ой таван сартай хүүхдийг нууцаар зоддог байсан мэдээлэл цацагдсан. Асрагч оюутан "Отгон тэнгэр" сургуулийн цэцэрлэгийн багшийн III ангид суралцдаг бөгөөд уг асуудлаас үүдэн сургуулийн захиргаанаас суралцах эрхийг нь хасах шийдвэр гаргажээ. Шийдвэрт оюутны ёс зүйн дүрэм, бакалаврын сургалтын журмын тодорхой заалтуудыг зөрчсөн талаар тусгасан байна. Оюутны ээж хүүхдээ асруулж байсан эцэг эх болон сургуулийн захиргаанаас нь уучлалт гуйжээ.