Аварга загас хүн рүү дайрчээ

Хавайд амарч байсан жуулчин руу аварга загас дайран, баруун гарыг нь тасдаж оджээ.

Одоогийн байдлаар жуулчин эмнэлэгт хүргэгдээд байгаа бөгөөд хэрэг явдал Маяа арлын Цагаан хад гэх газраас холгүйхэн болсон байна. Халдлагад өртсөн 20 настай залуу ХБНГУ-ын иргэн аж.

Сүүлийн үед аварга загас хүн рүү дайрах нь эрс ихэссээр байгаа билээ. Тиймээс Хавайн амралтын газрынхан үйлчлүүлэгчдээ далайн усанд хэт гүн орохгүй байх талаар сэрэмжлүүлэг өгөн, үйл ажиллагаагаа түр хаасан байна.