Авто машиныг голоос татан гаргажээ

Хөвсгөл аймгийн Бүрэнтогтох сумын Баянхошуу багийн “Далангийн гарам” гэдэг газар “Бонго” загварын дөрвөн зорчигчтой авто машин Дэлгэрмөрөн голын мөсөнд цөмөрч суусан тухай дуудлага ирсэн байна.

Дуудлага хүлээн авч тус аймгийн Онцгой байдлын газрын Эрэн хайх, аврах салбарын 7 албан хаагч нэг авто машинтай ажиллаж, иргэн А /32 настай, эрэгтэй/, С /33 настай, эмэгтэй/, Л /29 настай, эмэгтэй/, Г /30 настай, эрэгтэй/ нарыг аварч, авто машиныг голоос татан гаргажээ.