Авто замын трасст орсон айлуудын хашааг чөлөөлж байна

Сонгинохайрхан дүүргийн 31 дүгээр хорооноос эгц хойшоо гадна тойруу хүртэлх 1.7 км авто замын ажил 53 хувьтай үргэлжилж байна.

Энэ ажлын хүрээнд 1250 метр урт авто замын хашлага суулгаж, 360 метр зорчих хэсэгт байгалийн чулуун хучилт, 600 метр зорчих хэсэгт асфальт бетон хучилт болон хэвтээ тэмдэглэлийн ажил хийж гүйцэтгэжээ.

Мөн авто замын трасст өртсөн 18 айлын хашааг чөлөөлөх ажлыг хийж байна.

Эх сурвалж: Замын хөдөлгөөний төлөвлөлт, зохицуулалт, инженерчлэлийн газар