"Автомашингүй өдөр" арга хэмжээг цуцалж, 12 цагт замын хөдөлгөөнийг нээнэ

УЦУОШГ-аас ирүүлсэн мэдээллээр бороо үргэлжлэн орох төлөвтэй байгаа тул өнөөдөр зохион байгуулахаар зарлагдсан "Автомашингүй өдөр" арга хэмжээг цуцаллаа.

Уг арга хэмжээтэй холбоотойгоор хаасан авто замуудын хөдөлгөөнийг 12:00 цагт нээнэ. Гэхдээ өнөөдөр зөвхөн сондгой дугаартай тээврийн хэрэгсэл авто замын хөдөлгөөнд оролцоно.

Харин төв талбайд зохион байгуулж буй тоглолт, эрүүл мэндийн үзлэг зөвлөгөөн, спортын тэмцээн уралдаан хэвийн үргэлжилнэ.

Энэ талаар НЗД-ын орлогч дарга А.Амартүвшингийн өгсөн мэдээллийг хүргэж байна.