Автын ослоор нэг хүн амиа алджээ

Өнгөрсөн шөнө буюу 2015 оны хоёрдугаар сарын 08-ны 02:00 цагийн үед Нийслэлийн Баянзүрх дүүргийн 16 дугаар хорооны нутагт “Хьюндай Аксент” загварын суудлын автомашин хана мөргөж, төмөр хийцэд нэг хүн хавчуулагдсан автозамын ноцтой осол гарлаа.

24 настай эрэгтэй Д гэгч ослын улмаас төмөр хийцэд хавчуулагдаж нас барсан байсныг Аврах ангийн албан хаагчид гарган, цогцсыг тус дүүргийн Цагдаагийн хэлтэст хүлээлгэн өглөө гэж Онцгой Байдлын Ерөнхий Газрын Гамшгийн Шуурхай Удирдлагын Газраас мэдээллээ.