Аялал жуулчлалын бүтээгдэхүүн үйлчилгээгээр төрөлжих нь чухал

Улсын хэмжээнд албан ёсны бүртгэлтэй 260 компани аялал жуулчлалын чиглэлээр үйл ажиллагаа явуулж байна. Эдгээр компани аялал жуулчлалын бүтээгдэхүүн үйлчилгээгээрээ төрөлжиж чадвал тухайн аж ахуйн нэгж мэргэжлийн түвшинд ажилладаг болно.

Жуулчин бүр эрүүл, аюулгүй орчинд аялахыг хүсдэг учраас мэргэжлийн байгууллагыг сонгодог. Тиймээс Аяллын бүтээгдэхүүн үйлчилгээгээрээ төрөлжих нь зорилтод хүмүүсээ авч чадах боломжийг бүрдүүлнэ. Ингэснээр тухайн компани зах зээлд амжилттай ажиллана гэж БОАЖЯ-ны Аялал жуулчлалын бодлого зохицуулалтын газрын ахлах мэргэжилтэн н.Молор ярилаа.