Азийн хөрөнгийн биржүүдийн индекс өсөлттэй гарч байна

Өнөө өглөөнөөс Ази Номхон далайн хөрөнгийн биржүүдийн гол гол индексүүд өсөлттэй гарч эхэлсэн байна. Тухайлбал Хонконгийн Хансенг Шанхайн композит индексүүдийн нээлтийн ханшны өсөлт 2 хувьд хүрсэн байна. Мөн Японы Никкей индекс 225 нэгжээр буюу 1 хувиар өссөн байна. Үүнийг Аргентины Буэнес Айрес хотод болсон Их хорийн дээд хэмжээний уулзалтын үеэр АНУ, БНХАУ ын удирдагчдын уулзалт үр дүнтэй өндөрлөсөнтэй холбон тайлбарлаж байна.

Тодруулбал ДональдТрампШиЖиньпин нар 2 орны худалдааны тэнцвэртэй бус байдлыг арилгахаар тохиролцсон байна. Хятадын тал АНУ-аас хөдөө аж ахуй болон бусад салбарын бараа бүтээгдэхүүний импортоо нэмэгдүүлэхийг амласан байна. Үүний хариуд Трамп Ерөнхийлөгч ирэх оны нэгний өдрөөс Хятадын бараа бүтээгдэхүүнд 10-25 хувийн импортын гаалийн татвар ногдуулахаар төлөвлөж байсныгаа цуцлах амлалт өгсөн байна. Гэхдээ 2 тал 90 хоногийн дотор тодорхой хүрээний асуудлуудаар гэрээ байгуулахаар болсон байна.