Б.Галаарид: Сэтгүүлчид дуулиан, шуугиантай мэдээний араас хошуурдаг болсон нь учир дутагдалтай

Өнөөдөр дэлхийн хэвлэлийн эрх чөлөөний өдөр тохиож байна. Энэ жил Монголын сэтгүүлчдийн нэгдсэн эвлэлээс нийгэмд тустай сайн мэдээний аянд сэтгүүлчдийг нэгдэхийг уриаллаа.

Сэтгүүл зүйн салбарт ажиллаж байгаа уран бүтээлч бүр эх оронд болж байгаа гэрэл гэгээтэй хамгийн сайн сайхан бүхнийг найман сарын турш судлан олон нийтэд сурталчлах юм. Мөн иргэд олон нийтэд үнэн бодитой мэдээллийг хүргэх гол зорилгоо эрхэмлэн ажиллахыг Монголын сэтгүүлчдийн нэгдсэн эвлэлийн ерөнхийлөгч Б.Галаарид онцолж байлаа.