Б.Хулан Красноярскоос хүрэл медаль хүртэв
Тэрбээр медальтай үлдэх эсэхээ шийдвэрлэх барилдаанд эзэн орны Лейла Карымоваг 5:2-оор ялснаар тус тэмцээнээс анхны хүрэл медалиа зүүлээ.
Мэдээллийн алба
Иван Ярыгиний нэрэмжит Гранпри тэмцээнээс манай бөхчүүд хоёр алт, нэг мөнгөн медаль хүртсэн билээ.
Тэгвэл гурав дахь өдөр нь эмэгтэйчүүдийн 53 кг-ын жинд өсвөр үеийн Азийн АШТ-ий мөнгө, Дмитрий Миндиашвилигийн ОУТ-ий хүрэл, УАШТ-ий нэг мөнгө, хошой хүрэл медальт ОУХМ Батхуягийн Хулан хүрэл медаль хүртэв.
Тэрбээр медальтай үлдэх эсэхээ шийдвэрлэх барилдаанд эзэн орны Лейла Карымоваг 5:2-оор ялснаар тус тэмцээнээс анхны хүрэл медалиа зүүлээ.
Харин 62 кг-д ОУХМ Э.Гантуяа хоёр ялж, хоёр ялагдсан ч медаль хүртэж чадсангүй. Тэрбээр Оросын хоёр бөхтэй ялалт, ялалтын харьцаа тэнцэж гурван биенээ тойрсон ч онооны чанараар медалийн гадна үлдсэн.
