Б.Түвшинбат даагаа нэхнэ
Тэрбээр эхний тойрогтоо гоц мөргөж шууд 16-д үлдсэн юм. Наймд үлдэх тулаанаа Туркменистаны боксчин Амангелдиев Сердартай хийж 5:0-ийн харьцаагаар яллаа.
Мэдээллийн алба
Боксын насанд хүрэгчдийн Азийн аварга шалгаруулах тэмцээний 69 кг-д ОУХМ Б.Түвшинбат эхний ялалтаа авлаа.
Тэрбээр эхний тойрогтоо гоц мөргөж шууд 16-д үлдсэн юм. Наймд үлдэх тулаанаа Туркменистаны боксчин Амангелдиев Сердартай хийж 5:0-ийн харьцаагаар яллаа.
Тавдугаар сарын 4-нд буюу Улаанбаатарын цагаар 02:00 цагаас дэлхийн аваргад өрсөлдөх эрх, медалийн төлөө Энэтхэгийн боксчин Азийн аваргын хошой хүрэл медальт Манож Кумартай тоглоно.
2007 онд Монгол Улс Азийн аварга шалгаруулах тэмцээнийг зохион байгуулж 64 кг-д Б.Түвшинбат мөнгөн медаль, Энэтхэгийн боксчин Манож Кумар хүрэл медаль хүртэж байв.
Хагас шигшээд Манож Кумарыг 20:14 ялж аваргын төлөө тоглож байсан юм. Ийнхүү арван жилийн дараа даагаа нэхэж, тивийн аваргын тэмцээнд учраа таарч нэг нь медальд хүрэх хариуцлагатай тулаан хийхээр боллоо.
