Бага ангийн сурагчдыг шүдний үзлэгт хамруулж байна

“Цэвэр шүд-Эрүүл хүүхэд” хөтөлбөрийг Эрүүл мэндийн дэд сайд Ж.Амарсанаа санаачлаад байгаа. Энэ хөтөлбөрийг “Дэлхийн зөн” олон улсын байгууллагын “Дарь эх” орон нутгийн хөгжлийн хөтөлбөр дэмжин ажиллаж байна. Хөтөлбөр нэг сар үргэлжлэх бөгөөд Баянзүрх дүүргийн 79 дүгээр сургуулиас эхэлжээ. Ингэхдээ тус сургуулийн 1-3 дугаар ангийн хүүхдүүдийг үзэж эмчилгээ хийх аж. Энэхүү хөтөлбөрөө боломжтой бол цаашид дүүрэг, нийслэлийн хэмжээнд хэрэгжүүлэхээр төлөвлөөд байгаа юм байна.