Багахангай дүүрэгт цэцэрлэг барьжээ

Багахангай дүүргийн II хороонд дөрвөн бүлэгтэй 100 хүүхдийн хүчин чадалтай цэцэрлэг шинээр байгуулсан байна. Тус хороонд цэцэрлэгийн насны нийт 200 хүүхэд байдаг бөгөөд 100 хүүхэд нь УБТЗ-ын “Бялзуухай” цэцэрлэгт хамрагддаг ба үлдсэн 100 хүүхэд нь шинээр байгуулагдсан 207 дугаар цэцэрлэгт хүмүүжих аж.

Тус цэцэрлэгийг БСШУЯ-ны захиалгаар Дэлхийн банкны буцалтгүй тусламжаар хэрэгжиж буй “Боловсролыг дэмжих олон улсын түншлэлийн сургуулийн өмнөх боловсрол” төслийн хүрээнд барьж ашиглалтад өгсөн юм.