“Baganuur Energy Corp” үйлдвэрийг хоёр тэрбум ам.доллараар барина

Ган үйлдвэрлэлээр дэлхийд дөрөвдүгээрт ордог БНСУ-ын Posco компани MCS групптэй хамтран нүүрснээс шингэн түлш гарган авах төсөл хэрэгжүүлэхээр болсон. Харин тус хоёр компани хамтран “Baganuur Energy Corp” үйлдвэрийг хоёр тэрбум ам.долларын өртгөөр барихаар болсон байна.

“Baganuur Energy Corp” үйлдвэр нь Багануур дүүрэгт байрлах бөгөөд байгальд сөрөг нөлөө багатай, цэвэр түлшний уг үйлдвэрт жилд 450.000 тонн дизель түлш, 100.000 тонн диметилийн эфир гаргаж авах аж.