Багш нарын хичээлийг интернэтээс харж болно

Нийслэлийн засаг даргын хэрэгжүүлэгч агентлаг болох Нийслэлийн Боловсролын газраас жил бүр багшийн ур чадварын улсын уралдааныг зохион байгуулдаг. "Багшийн ур чадвар - 2013 Сургалтын технологийн хөгжил" сэдэвтэйгээр явагдаж байгааСӨБ, ЕБС-ийн багш нарын ур чадварын улсын уралдааны энэ жилийн журам шинэчлэгдэн видео бичлэгээр хичээлүүдийг хүлээн авч байгаа аж. Багш нарын хичээлүүдийг олон нийтэд түгээн дэлгэрүүлэх, бусад багш нарт туршлага хуваалцах, сургалтын болон хичээлийн технологийг хөгжүүлэх зорилгоор ирсэн бүтээлүүдийг байршуулах цахим хуудсыг нээсэн ба иргэд уг цахим хуудсанд байршсан багш нарын хичээлүүдийг чөлөөтэй үзэж санал бодлоо хуваалцаж болох юм байна.