Байгалийн чацарганыг сэргээнэ

Монгол бол чацаргана жимсний эх орон гэдгийг батлах судалгаа хийж байгаа талаар "Чацаргана тариалагч үйлдвэрлэгчдийн үндэсний холбоо"-ноос мэдэгдлээ.

Чацаргана тариалалт, боловсруулалтыг дэмжих зорилгоор энэ жил улсын төсвөөс 5,7 тэрбум төгрөг зарцуулж, эрдэм шинжилгээний байгууллага, аж ахуйн нэгжүүд чацарганы генетикийн судалгааг хийсэн байна.

Чацарганы генетикийн судалгааны үр дүн ирэх сарын 3-нд тодорхой болох бөгөөд энэ судалгааг хийснээр манай орны цаг уурт тохиромжтой чацарганы шинэ сортуудыг гаргаж авах боломжтой гэж Монголын чацаргана тариалагч үйлдвэрлэгчдийн үндэсний холбооны тэргүүн Д.Насанжаргал хэллээ.

Үүнээс гадна цөлжилтөөс сэргийлэхэд байгалийн чацарганыг ашиглах боломжийг нэмэгдүүлнэ гэсэн юм.