Байнгын хороодын хуралдаан хойшиллоо

УИХ-ын Төсөв болон Эдийн засгийн байнгын хороо өнөөдөр хуралдах хуваарьтай байсан ч ирц бүрдээгүйн улмаас хойшлогджээ.

Өчигдөр мөн Хуульзүйн байнгын хорооны хуралдаан ирц бүрдээгүйгээс хойшилсон. Ийнхүү хуралдаанууд хойшлоод байгаагийн учир УИХ дахь Ардын намын бүлгийнхэн аль ч байнгын хорооны хуралд оролцохгүйгээр шийдсэнтэй холбоотой аж. Энэ нь тэдний ээлжит улс төрийн барьцаа гэж үзэх гишүүд ч байна. Ардчилсан намын бүлэг болон “Шударга ёс” эвслийн гишүүдээс хуралд ирж байгаа ч зарим гишүүн нь гадаад, дотоодод албан томилолттой яваа учраас байнгын хорооны ирцийг бүрдүүлж чадахгүй байгаа бололтой.