Бан Ги Мүн тохойгоороо мэндлэх болжээ

НҮБ-ын Ерөнхий нарийн бичгийн дарга Бан Ги Мүн хүмүүстэй гар барьж мэндлэхийн оронд тохойгоо нийлүүлэн мэндчилдэг болжээ. Тэрбээр өнгөрсөн сарын 17-21-ний өдрүүдэд эбола вирус тархсан Либери, Сьерра-Леон, Гвиней, Мали, Гана гэсэн таван улсад очиж, нөхцөл байдалтай танилцсан юм. Айчлалын дараа тэрбээр 21 хоног хөл хорионд оролгүй шууд ажилдаа орсон аж. Тиймээс аюулгүй байдлыг бодож хэсэг хугацаанд хүмүүстэй гар барихгүй байхаар шийдсэн байна. Түүнийг нисэх онгоцны буудалд буусан даруйд үзлэгт хамруулсан билээ.