Бангладешт 10 хүн амиа алдлаа

Энэ сарын 10-нд Бангладешийн Дакке хотын Газипур тойрогт орших “Arsad” оёдлын үйлдвэрт гал гарсны улмаас 10 гаруй хүн амь насаа алдлаа. Амиа алдсан хүмүүсийн дотор үйлдвэрийн ерөнхий менежер Рашидуззаман Мандал байжээ. Одоогийн байдлаар галын шалтгааныг тогтоогоогүй байна.

Түүнчлэн эл хотод ердөө хагас жилийн өмнө хэд хэдэн оёдлын үйлдвэр, худалдааны төв үйл ажиллагаа явуулж байсан барилга нурж, 1100 гаруй хүний амийг авч одсон юм.