Банк дээрэмдсэн мөнгөө гудамжинд цацаж, Зул сарын мэндчилгээ дэвшүүлжээ
Үдийн цайны цагаар "Академи" банкинд нэгэн этгээд нэвтрэн орж, их хэмжээний мөнгийг дээрэмджээ.
Мэдээллийн алба
Энэ долоо хоногийн даваа гарагт АНУ-ын Колорадо мужийн Коларадо Спрингс хотод банк дээрэмдсэн хэрэг гарчээ. Үдийн цайны цагаар "Академи" банкинд нэгэн этгээд нэвтрэн орж, их хэмжээний мөнгийг дээрэмджээ.
Харин цагдаа нарын тодотгон хэлснээр цагаан сахалтай эр банкнаас авсан мөнгөө гудамжинд цацаж, ойролцоо явсан хүмүүст Зул сарын баярын мэндийг дэвшүүлж байжээ.
Мөн тэрбээр тус банкнаас холгүй байрлах кофе шопын ойролцоо сэлгүүцэн алхаж, цагдаа нарт баривчлагдахаа хүлээн сууж байсан талаар энэ хэргийн гэрч ярьсан байна.
Колорадо Спрингсийн цагдаагаас тус хэргийн сэжигтнийг 65 настай Дэвид Оливер гэж мэдээлсэн юм. Оливерийн гудамжинд цацсан мөнгийг нэг бүрчлэн түүж, банкинд буцаан хүлээлгэн өгчээ.
