Барак Обама Ази дахь айлчлалаа цуцаллаа

АНУ-ын холбооны засгийн газар үүдээ барьсны улмаас Барак Обама Ази дахь айлчлалын хугацаагаа богиносгон Малайз болон Филиппин улсад хийх айлчлалаа цуцалжээ. Тэрбээр энэ сарын 5-наас эхлэн Индонез, Бруней, Малайз, Филиппин орнуудад айлчлахаар төлөвлөсөн. Түүнчлэн Индонез болон Ази Номхон далайн эдийн засгийн хамтын ажиллагааны байгууллагын удирдагчдын албан бус уулзалтад оролцох бөгөөд Брунейд болох Америк-Зүүн өмнөд Азийн холбооны дээд уулзалт, Зүүн Азийн дээд уулзалт зэрэг арга хэмжээнд оролцоно. Гэхдээ Америкийн засгийн газар үүдээ барьснаас болж, Обама зөвхөн Индонез болон Брунейд айлчлах юм байна.