Барилгын нэг давхарт хөөсөнцөр шатаж байсныг бүрэн унтраалаа

Нийслэлийн Хан-Уул дүүргийн 17 дугаар хорооны “Задгай”-д гал гарч байна гэсэн дуудлага өнөөдөр /2025.05.06/ 16:40 цагт ирсэн.

Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 14 дүгээр ангийн алба хаагчдыг очиход шинээр баригдаж байгаа барилгын нэг давхарт хөөсөнцөр шатаж байсан.

Алба хаагчид галын тархалтыг 16:55 цагт зогсоож, 17:23 цагт бүрэн унтраажээ.