Барилгын салбарт хөдөлмөрийн аюулгүй байдал хангалтгүй хэвээр байна

Нийслэлийн Мэргэжлийн хяналтаас 150 барилгын материалын үйлдвэрт шалгалт хийхэд 51 нь хөдөлмөрийн аюулгүй байдлын нөхцөл муу буюу өндөр эрсдэлтэй гэсэн дүн гарсан байна.

Барилгын материалын үйлдвэрлэл эрхэлдэг 209 аж ахуйн нэгж байдаг. Нийт 8 чиглэлийн хяналтын хуудсаар үнэлгээ өгч дүнгээ гаргаснаас 51 үйлдвэр өндөр эрсдэлтэй буюу хөдөлмөрийн аюулгүй байдлыг муу хангасан гэсэн дүнтэй гарсныг үйлдвэрүүдэд шалгалт хийсэн улсын байцаагчид хэлж байна. Эдгээр зөрчлийн заримыг газар дээр нь арилгуулжээ.