"Барс-2" худалдааны төвд гал гарлаа

Өнөөдөр 10 цагийн үед Улаанбаатар хотын I хорооллын урд байрладаг томоохон захуудын нэг болох "Барс-2" худалдааны төвийн урд хэсгийн цайны газарт гал гарлаа.

Гарсан галыг Онцгой байдлынхан ажиллаж бүрэн унтраасан бөгөөд одоогоор холбогдох байгууллагууд гал гарах болсон шалтгааныг шалгаж байна. Худалдааны төвийн түрээслэгчдийн ярьснаар анх маш хүчтэй дэлбэрэлт болсон энэ нь гал тогоонд "ГАЗ" буюу хийн баллон дэлбэрсэн аж. Сүүлийн хоёр өдөр тус захад тог тасарч, худалдагчид лаа асаан ажиллаж байжээ.

Гэрэл зургийг Д.Жамбалдорж