Башар Асад БНАСАУ-д айлчилж, удирдагч Ким Жон Унтай уулзах хүсэлтэй байгаагаа илэрхийллээ

Сирийн ерөнхийлөгч БашарАсад БНАСАУ-д албан ёсны айлчлал хийж, тус улсын удирдагч Ким Жон Ын-тай уулзах хүсэлтэй байгаагаа илэрхийллээ. Умардын “Нодонсинмун” сонин энэ тухай уламжиллаа. Сонины мэдээлснээр, 5-р сарын 30-ны өдөр БНАСАУ-аас Сири улсад суух шинэ элчин сайд итгэмжлэх жуух бичгээ гардуулах ёслолын үеэр БашарАсад холбогдох мэдэгдэл хийжээ.

“Би нэг их удалгүй БНАСАУ-д очиж, тус улсын дээд удирдагч Ким Жон Ын-тай уулзах зориг шулуудсан” гэж БашарАсад мэдэгдсэн байна. Сирийн ерөнхийлөгчийн хэлж байгаагаар: БНАСАУ-ын удирдагчийн ухаалаг бодлогын дүнд сүүлийн үед Солонгосын хойгт нааштай өөрчлөлт гарч байгаа тул Сирийн засгийн газар цаашид ч БНАСАУ-ын улс төрийн чиг шугамыг дэмжих юм байна. 2018 оны эхээр Өмнөд Солонгосын Пёнчан хотод өвлийн Олимпийн тоглолт болсонтой холбогдуулан Сөүл болон Пхеньян хооронд, Солонгосын хойгт бүхэлдээ уур амьсгал зөөлөрсөн. Нэг их удалгүй Өмнөд Солонгосын ерөнхийлөгч МунЖэИн, Умард Солонгосын удирдагч Ким Жон Ын нар дээд хэмжээний уулзалт хийсэн, одоо энэ сарын 12-нд Америкийн ерөнхийлөгч ДональдТрамп, БНАСАУ-ын удирдагч Ким Жон Ын нар Сингапурт уулзахаар болоод байна.