“Баян-Айраг эксплорейшн” компани өнөөдрөөс хэвийн ажиллаж эхлэв

Алт олборлох талбайд цианит натри асгарч МХЕГ-аас үйл ажиллагааг нь зогсоогоод байсан Завхан аймгийн “Баян-Айраг эксплорейшн” компани өнөөдрөөс үйл ажиллагаагаа хэвийн явуулж эхлээд байна.

Хөрсөнд хийсэн шинжилгээгээр цианит натри хэвийн хэмжээнд байгаа тул ийнхүү үйл ажиллагаагаа үргэлжлүүлэх зөвшөөрлийг олгожээ. Гэхдээ 2 дахь удаагаа технологийн горим алдсан учраас тус аймгийн Цагдаагийн газрын Байгаль орчны гэмт хэрэгтэй тэмцэх тасгаас компанийн удирдлагуудад эрүү үүсгэн шалгаж байгаа аж.