Баян-Өлгий аймаг хэрэгжүүлсэн “Гудамж төсөл” үр дүнд хүрсэнгүй

Баян-Өлгий аймаг өнгөрсөн жилийн намар хот тохижилтын ажилд идэвхийлэн орж, Өлгий хотоо өнгө өнгийн цэцгээр алаглуулсан гудамж талбайтай, явган хүний замтай болно гэж “Гудамж төсөл” хэрэгжүүлсэн юм. Гэтэл төслийн үр дүн өнөөдөр ард иргэдэд харагдахгүй байна. Хэсэгхэн газар явган хүний зам тавьсан ч хагарч эвдэрсэн, цэцгийн мандалын тоосго нь бутарч, хогиор дүүрсэн дүр зураг л үлджээ. Хэзээ мод, цэцгээ тарьж, өнгө үзэмжтэй гудамжтай болох вэ? энэ асуултад Өлгий хотын Хот тохижуулах газрын дарга Женесбек ийм хариу өглөө.