Баян-Өлгий аймгийн 160 гаруй англи хэлний багш нар танхимын сургалтдаа хамрагдаж байна

Британийн Засгийн газрын дэмжлэгээр Боловсролын яам, НҮБ-ын Хүүхдийн Сангаас хамтран хэрэгжүүлж буй “Алслагдсан орон нутгийн багш, сурагчдын англи хэлний ур чадварыг дэмжих” төслийн хүрээнд Баян-Өлгий аймгийн бүх сумдын нийт 160 гаруй англи хэлний багш нар танхимын сургалтдаа хамрагдаж байна.

Багш нар нийт 100 гаруй цагийн сургалтад хамрагдаж, англи хэлний дүрэм, унших, сонсох ур чадвараа дээшлүүлэхээс гадна 3-5-р ангийн сурагчдад англи хэл заах арга зүйд суралцаж байна.
Сургалтыг Монгол Улсын Боловсролын Их Сургууль-ийн туршлагатай, өндөр ур чадвартай багш нар бэлтгэн явуулж байна.